Ang Kahalagahan ng Pagkuha ng NBI Clearance: Isang Gabay para sa mga Pilipinong aplikante

By: HR Department, Ernest Logistics

Hindi na bago sa karamihan ng mga aplikante ang salitang National Bureau of Investigation (NBI) Clearance, dahil ito ay isa sa mga dokumentong hinahanap ng mga recruiters o employers, kung saan ang pasa o bagsak sa trabaho ay pangkaraniwan nang nakasalalay dito.

Pero, ano nga ba ito at bakit ba ito lagi nalang hinahanap ng mga employers?

Ang National Bureau of Investigation (NBI) Clearance ay isang dokumento na nagpapatunay na walang criminal record o anumang nakabinbing kaso sa Pilipinas ang isang indibidwal. Ito ay kinakailangan sa maraming transaksiyon sa gobyerno tulad ng pagkuha ng trabaho, pagbubukas ng bank account, at paglalakbay sa ibang bansa.

Ano-ano ba ang mga dahilan kung bakit mahalaga na ang isang Pilipino, lalo na ang isang empleyado ay mayroong NBI clearance na aktibo at hindi expired:

Ang mga benepisyo sa trabaho ng pagkakaroon ng NBI clearance ay kinabibilangan ng:

1. Pagkakataon na makapagtrabaho sa ibang bansa — Hindi lamang pang local employment, marami din mga agencies na nag papadala ng mga empleyado sa ibang bansa ay naninigurado na ang kanilang puhunan sa isang OFW ay hindi mapupunta sa wala, kaya naman maraming kumpanya ay umaasa sa mga local agencies na maghanap ng NBI clearance mula sa mga aplikante bago sila mapag-trabaho, at siguraduhin na wala anumang problemang legal ang isang aplikante.
2. Pagkakataon na makapagtrabaho sa mga sensistibong posisyon — Ang mga posisyon tulad ng mga nurse, teacher, at security guard ay kadalasang nangangailangan ng NBI clearance dahil sa kanilang mga responsibilidad sa pagprotekta sa komunidad.
3. Pagpapakita ng integridad — Ang pagkakaroon ng NBI clearance ay nagpapakita ng integridad at kredibilidad ng isang indibidwal sa kanilang trabaho.
4. Pagpapataas ng pagkakataon sa pagkakapasok sa trabaho — Ang mga employer ay kadalasang nangangailangan ng NBI clearance mula sa kanilang mga aplikante upang mapatunayan na ligtas sila sa kriminalidad at maaaring pagtitiwalaan sa trabaho.
5. Pagbibigay ng kaligtasan sa trabaho — Ang pagkakaroon ng NBI clearance ay nagbibigay ng kaligtasan sa trabaho dahil sa pagpapakitang hindi ka sangkot sa anumang krimen.

Kung wala ka pang NBI clearance, maaari itong makamit sa pamamagitan ng pagbisita sa isang satellite office ng NBI at pag-fill out ng mga kinakailangang form. Kailangan mong ibigay ang wastong ID, bayaran ang kinakailang fee, at magpa-biometric ng iyong fingerprints. Ang processing time para sa NBI clearance ay karaniwan ay ilang araw, pagkatapos nito ay maaari ka nang kumuha ng iyong certificate ng clearance.

Sa pagtatapos, ang pagkakaroon ng NBI clearance ay mahalaga para sa pagkakataon na makapagtrabaho sa loob at labas ngbansa, mga posisyon na nangangailangan ng tiwala at kumpiyansa, pagpapakita ng integridad sa trabaho, pagpapataas ng pagkakataon sa pagkakapasok sa trabo at higit sa lahat ay pagbibigay ng kaligtasan sa trabaho. Kaya, hindi dapat palampasin ang pagkakataon na kumuha ng NBI clearance upang mapabuti ang iyong karanasan sa trabaho. Huwag mag-atubiling kumonsulta sa NBI kung mayroong anumang katanungan o kailangan ng tulong sa pagkuha ng iyong NBI clearance.

Kung nais mo pa makakuha ng ilang importanteng impormasyon, o dumerecho sa new application o renewal, maaaring magtungo sa website ng NBI sa https://clearance.nbi.gov.ph/